ئه‌و هه‌والانه‌ى كه‌ له‌ شارى قامشلوو گه‌یشتن ته‌ئكید له‌وه‌ ده‌كه‌نه‌وه‌ كه‌ هێزه‌كانى ئه‌منى سوریا ته‌قه‌یان له‌ كۆمه‌لێك هاوولاتى كورد كردووه‌ ، كاتێك ئاهه‌نگیان به‌ بۆنه‌ى جه‌ژنى نه‌ورۆز ده‌گێرا ، له‌ ئه‌نجامى ئه‌و كرده‌وه‌یه‌دا سێ كه‌س شه‌هیدبوون و ژماره‌یه‌كى دیكه‌ش برینداربوون ئێمه‌ به‌ توندى ئیدانه‌ى ئه‌و تاوانه‌ ده‌كه‌ین كه‌ ته‌قه‌ له‌ بێتاوانان بكرێت له‌ كاتى ئاهه‌نگ گێراندا ، تاكه‌ تاوانیان ئه‌وه‌بێت كه‌ گوزارشت له‌ هه‌ست و خۆشى خۆیان بۆ پێشوازیكردن له‌ سالى نوێى كوردى بكه‌ن ، به‌لام ناكرێت بێده‌نگ بین له‌ هه‌مبه‌ر ئه‌و كاره‌ دڕندانه‌یه‌ له‌ پێشلكردنى مافه‌كانى مرۆڤ و كوشتن له‌ سه‌ر ناسنامه‌ى نه‌ته‌واتیان ، ئێمه‌ داوا له‌ به‌رێز به‌شار ئه‌سه‌د سه‌رۆك كۆمارى عه‌ره‌بى سورى ده‌كه‌ین كه‌ ته‌ده‌خول بكات بۆ ئه‌وه‌ى ئه‌م تاوانه‌ دووباره‌ نه‌بێته‌وه‌ لێكۆلینه‌وه‌ش بۆ دیاریكردنى تاوانباران و سزادانیان ئه‌نجام بدرێت .

سه‌رۆكایه‌تى هه‌رێمى كوردستان

2008/03/21